MAJOGOO WA JIJI WAENDELEA KUWIKA, SASA WAPANDA DAU NA KUFIKIA PAUNDI MILIONI 25 KUINASA SAINI YA ADAM LALLANA

Ofa ya mwisho: Liverpool wameripotiwa kuweka ofa ya paundi milioni 25 kumnasa kiungo wa kimataifa wa England na Southampton,  Adam Lallana

 Jaribio la pili: Wekundu wa Anfield awali waliweka ofa ya  paundi milioni 20, lakini walipigwa chini na Southampto.

LIVERPOOL wameboresha ofa ya kumnasa kiungo wa Southampton, Adam Lallana na kufikia paundi milioni 25.

Wakati huu mchezaji mwenzake Rickie Lambert akitarajiwa kupimwa afya yake kwa lengo la kujiunga  na wakali hao wa Merseyside kwa dau la paundi milioni 4, inafahamika kuwa kocha Brendan Rodgers ameamua kuongeza `mkwanja` ili kuinasa saini ya Lallana.

 Awali Wekundu hao wa Anfield  waliweka mezani ofa ya paundi milioni 20 na kukataliwa, lakini wamerudi tena Southampton wakiwa wameongeza dau.